Media amerikane “Washington Times” vijon të demaskojë rolin e George Soros me reformën në drejtësinë shqiptare dhe atë që ka prodhuar kjo reformë. L. Todd Wood*, ekspert amerikan i çështjeve të biznesit dhe politikës në një shkrim për “Washington Times” dhe të përkthyer nga Tirana Today, thekson se reforma në drejtësi e nisur nga qeveria shqiptare, me mbështetjen e fondacionit Soros dhe ambasadës amerikane ka prodhuar në Shqipëri një situatë dramatike.
Sipas Wood, vendi ndodhet pa gjykata, ndërsa Shqipëria vijon të rritet në tabelën e klasifikimit si vendi me përdorimin më të lartë të kokainës në botë dhe transitit të marijuanës. Ashtu siç vinte në dukje edhe një analizë e prestigjiozes “The Economist”.
https://tiranatoday.com/the-economist-pse-shqiperia-eshte-e-para-ne-bote-per-perdorimin-e-kokaines-video/
E gjitha kjo sipas tij, është falë axhendës së George Soros në Shqipëri i cili kërkon të krijojë në Ballkan “Jugosllavinë e Re” për të pasur influencën e tij në këtë rajon. Wood apelon që BE dhe Shtetet e Bashkuara të kthejnë sytë me atë që po ndodh në Shqipëri.
Artikulli i plotë i L. Todd Wood: Reforma në sistemin e drejtësisë po shpërfaqej si një ide mjaft e mirë, për Shqipërinë e cila ashtu si shumë vende ish-komuniste po vuan nga tejzgjatja e tranzicionit dhe fenomenit të përhapur të korrupsionit në këtë sistem.
Për të hyrë në detajet e kësaj reforme do të kërkonte shumë për të shpjeguar gjithë procesi e komplikuar.
Por, ndikimi që kanë pasur organizatat e ndryshme të miliarderit George Soros në këtë proces e ka keqorientuar gjithë reformën në drejtësi.
“Procesi i reformës në drejtësi filloi në vitin 2016 dhe u ndihmua shumë nga ekspertët e financuar nga Soros dhe zelli i ambasadës amerikane, e ka lënë vendi pa gjykata.
Qeveria aktuale e cila drejtohet nga kryeministri Rama ka nxjerrë ligje që nuk mund t’i kontrollojë kush dhe që nuk marrin parasysh ruajtjen e balancës midis pushteteve. Aq sa edhe prokuroria ka rënë në duart e tij.
Askush nuk e di se kur rikthehen gjykatat.
Procesi i ngritur për verifikimin e gjyqtarëve dhe prokurorëve është përdorur për eliminuar kundërshtarët politikë dhe për të forcuar pushtetit absolut të kryeministrit Rama.
Procesi i ngritur nga Rama ka mbajtur gjykatësit e korruptuar dhe janë larguar nga detyra ata me integritet.
Nëse i rikthehemi ndryshimeve të Kushtetutës së vitit 2008, ndryshime të cilat ndryshuan në mënyrën e zgjedhjes së kandidatëve për në Parlament, mund të themi se ashtu si në 2008 edhe sot shqiptarët po privohen nga liria.
Ky duket se ka qenë rezultati i kërkuar prej shumë kohësh.
Shqipëria është kthyer në një narkoshtet, duke u ngjitur në krye të klasifikimit të vendeve për prodhimin e marijuanës, e cila trafikohet drejt Italisë dhe në pjesën tjetër të Evropës.
Gjithashtu, drogat e forta janë të përhapur në vend.
Varësia dhe problemet e tjera që sjell drogës po bëhen normë në një vend prej 2.5 milionë banorësh që lufton për mbijetesë.
Shqipëria shërben si pikë trafikimi për drogërat që vijnë nga Amerika e Jugut dhe Azia Qendrore, duke shërbyer si një portë drejt Evropës.
Kritikët thonë se ligjet e miratuara në parlament dhe mosfunksionimi i gjykatave po shërbejnë për të ndihmuar baronët e drogës që të pastrojnë paratë e drogës.
Amerikanët dhe evropianët po e injorojnë gjithçka që po ndodh në Shqipëri, ndoshta edhe për të shmangur rëndësinë që mund t’i japin axhendës Soros, e cila nuk ka funksionuar ose të paktën qytetarët shqiptarë janë krejt të pakënaqur kundrejt kësaj axhende.
Soros është duke u përpjekur që të injektojë modelin e majtë në të gjithë Ballkanin, duke promovuar një shoqëri me kufij të hapur, të ngjashme me Jugosllavinë e re, e cila natyrisht do të kontrollohet nga partitë socialiste.
Bashkimi Evropian ka hyrë në marrëveshje me Poloninë dhe Hungarinë për zbutur natyrën e supozuar antidemokratike të reformës në drejtësi në këto vende, por ka injoruar situatën e tmerrshme që po kalon Shqipëria.
*L. Todd Wood, ish-pilot i helikopterëve të operacioneve speciale dhe broker në Ëall Street. Ai ka kontribuar me shkrime në Fox Business, The Moscow Times, New York Post dhe shumë media të tjera.
PËRSHTATI TIRANA TODAY
