Eksperti i çështjeve ballkanike, David Phillips thekson se SHBA-të po i japin goditjen përfundimtare iniciativës Ruse në Ballkan nëpërmjet forcimit të pozicioneve të shqiptarëve.
Në një analizë për “Huffington Post”, Phillips saktëson se Rusia po përpiqet ta fusë Ballkanin brenda sferës së saj të influencës, prandaj Shtetet e Bashkuara duhet ta shtojnë angazhimin e tyre në këtë rajon, ku ende ka vende me demokraci të brishtë.
Phillips, i cili është Drejtor i Programit për Paqen dhe të Drejtat në Universitetin Columbia të Neë Yorkut ka shërbyer si këshilltar i çështjeve të jashtme për Departamentin e Shtetit gjatë administratave Clinton, Bush dhe Obama, ka shtuar më tej se Shqipëria vazhdon të jetë partneri kryesor strategjik në Ballkan dhe “ne e mbështesim deri në fund”.
