Kryeministria do të ruhet nën masa të rrepta gjatë 16 shkurtit, për të shmangur çdo lloj incidenti. Këtë e konfirmon një burim nga ana e policisë për “Tirana Today”.
Opozita prej kohësh ka paralajmëruar një protestë masive më 16 shkurt. Më herët, Ministria e Brendshme doli në një deklaratë ku theksohej se ka informacione për persona të cilët mund të kryejnë akte dhune.
Burime për “Tirana Today” bëjnë me dije se policia do të organizohet, për të siguruar një tubim normal. Pas indicies që ka policia lidhur me personat e veçantë që tentojnë të kryejnë akte dhune, uniformat blu tashmë kanë hartuar një plan masash, për garantimin e rendit dhe të sigurisë.
Jo më larg se dy ditë më parë, Policia e Shtetit apeloi ndaj forcave politike të angazhuara për tubimin e datës 16 shkurt, që të shmangin retorikat, të cilat nxisin veprime kundër rendit e qetësisë publike.
Policia i drejtohej politikanëve që të shmangin thirrjet që nxisin dhunë dhe prishjen e qetësisë publike. Opozita mbetet me shpresë që të trondisë qeverinë Rama përmes protestës së të shtunës.
Ende nuk e dimë nëse një qeveri si ajo aktuale të pranojë të largohet nga protestat, e ndërsa opozita po numëron orët për të vënë në zbatim planin. Nëse do ketë përshkallëzime, do ketë zhvillime që ligji për tubimet i përcakton.
