Kostandinos Kaçifas u vra një ditë më parë në fshatin Bularat nga forcat RENEA, pasi qëlloi me armë në drejtim të një makine policie dhe nuk iu bind urdhrit për tu dorëzuar. Deklaratat rreth ngjarjes kanë vazhduar edhe ditën e sotme mes dy shteteve.
Në seancën e sotme parlamentare të mbajtur në Greqi, deputetja e Agimit të Artë, Eleni Zaroulia mori fjalën dhe kërkoi një minutë heshtjen në respekt të Kostandinos Kaçifas.
“Para fillimit të seancës dua t’iu kujtoj se dje regjimi frikacak shqiptar persekutoi helenizmin dhe greqishten. Ata ekzekutuan një 35-vjeçar, i cili donte të festonte përvjetorin e 28 tetorit duke valëzuar flamurin grek. Në nder të tij kërkoj një minutë heshtje nga Parlamenti në kujtim të Konstantinos Katsifas”, tha deputetja e Agimit të Artë.
Nënkryetari i parlamentit, hodhi poshtë propozimin e deputetes dhe vazhdoi procedimet normalisht. Asnjë deputet tjetër nuk reagoi ndaj lëvizjes së tij, duke dëshmuar se të gjitha palët bien dakord të mos mbajnë një minutë heshtje për ngjarjen e ndodhur në Epirin e Vjetër. TIRANA TODAY
