Albert Krasniqi është personi që ka mbetur i vrarë sot në Prishtinë, ndërsa i dyshuari për ngjarjen e rëndë është babai i tij.
Ngjarja tragjike ka ndodhur rreth orës 17:00 në rrugën “Ndue Perlleshi” në Prishtinë.
Babai është arrestuar tashmë nga policia, ndërsa është konfiskuar arma që dyshohet se është përdorur në krimin brenda familjes.
Sipas mediave në Kosovë, babai pas vrasjes ka njoftuar Policinë duke u thënë “ejani se e vrava djalin”.
Para 8 orësh, Krasniqi ka bërë një postim të fundit në rrjetet sociale, ku ka publikuar foton e vajzës së tij dhe ka shkruar: Dashuria e babit.
Motivet e ngjarjes së rëndë që shokoi kryeqytetin mbeten akoma të panjohura, ndërsa Alberti dhe babai i tij njihen si biznesmenë të njohur në vend. Alberti ka qenë pronar i “Company Perparimi – sh.p.k Residential Buildings”.
