Presidenti Ilir Meta ka kërkuar një ballafaqim me kandidatin e Partisë Socialiste për deputet në qarkun e Vlorës, Damian Gjiknuri.
I ftuar në emisionin “One”, Meta tha se ditën e zgjedhjeve do të qëndrojë në Vlorë pasi ka frikë nga një skenar i ngjashëm e dosjen “184” në qarkun e Dibrës.
Ndër të tjera, Meta i ka dërguar edhe një mesazh Gjiknurit, duke i thënë që të ballafaqohen live para vlonjatëve.
Ilir Meta: ”Do të jem në Vlorë me 26 prill pasi është e kërcënuar nga një “tërmet” si ai i Dibrës. Është e faktuar. E kam informuar z.Bujar Leskaj dhe z.Petrit Vasili se sipas të dhënave që kam këtu në Vlorë po përgatitet i njëjti skenar që nuk do të tolerohet kurrë. Ky grup kriminal i prekjes së votës drejtohet nga Damian Gjiknuri dhe Afrim Qendro. Ju me pyesni pse Luan Rama takon qytetarë me kapuçe në kokë në Vlorë, sepse nëse do të ishte i vërtetë ku lajm edhe Luani do të ishte me kapuç në kokë. Ka një skenar mafioz, me tentativa të fëlliqura e të poshtra por që do marrin përgjigjen e merituar”.
