Einxhel Shkira braktis vëllezërit Veshaj, heq dorë nga emisioni ‘Binjakët’

Shumë e bujshme ishte rikthimi në ekran i moderatores Einxhel Shkira, e cila u shfaq në ekran përkrah vëllezërve Romeo e Donald Veshaj.

Siç duket, rrugëtimi në “Binjakët Show” nuk ishte shumë i gjatë për moderatoren e njohur. Përmes një postimi në Instagram, Einxhel ka treguar se nuk do të jetë më pjesë e spektaklit për disa arsye, të cilat nuk ka dashur që të flasë.

Ajo ka thënë se po përgatitet për disa projekte të reja, dhe po pret me padurim t’i ndajë me ndjekësit.

“Për arsye të ndryshme, duke filluar nga sonte nuk do jem pjesë e show-t Binjakët. Zoti ka arsye për të gjitha gjërat që na ndodhin, kështu që ne duhet t’i besojmë rrugës që ai ka planifikuar për ne. Projekte të reja po vijnë. Mezi pres t’i ndaj me ju!”, ka shkruar Einxhel Shkira.