I vendosur nga klubi për të drejtuar përkohësisht skuadrën, por arriti ta shpallë atë kampion pas 11 vitesh, trajneri Emanuel Egbo rrëfen për “A2” emocionet e titullit kampion si dhe zbulon rekordin historik për një trajner nga kontinenti afrikan.
Ai u shpreh se është trajneri i parë afrikan që ka fituar një titull në Evropë.
“Është një ndjesi e veçantë, ende nuk e kam kuptuar. Jam trajneri i parë afrikan që ka fituar kampionat në Evropë. Dje e kam marrë vesh këtë sepse nuk jam njeri i statistikave. Kjo arritje është shumë e madhe për mua dhe për të gjithë kontinentin tim. Është ndjesi tepër e veçantë”, tha Egbo.
