Konkurrentja e “Kepit të Tundimeve”, Efi, ka rrëfyer se ka tentuar ti jepte fund jetës për një lidhje e cila i shkaktoi shumë pasoja.
Mes lotësh, Efi tregoi për lidhjen e saj të shkuar 4-vjeçare, dhe se si ish-parteri e saj e kishte shndërruar atë në një person tjetër.
Nga dashuria që kishte ndaj atij personi, Efi tha se e vuajti shumë atë kohë, por tashmë gjërat kanë ndryshuar.
“Kam pasur një lidhje 4-vjeçare. Ai njeri më la shumë pasoja që i kam pas deri tani shumë vonë. Unë e kam kaluar tashmë. Është diçka që më ka mbajt goxha kohë.
Ka qenë një njëri që ma ka bërë mos ta doja veten. Më thoshte ti nuk vlen, nuk bën, nuk ke vlera, nuk je e zgjuar, Ka ca momente që njeriu nuk do të jetë i fortë.
E mendoja dhe besoja që nuk vleja si njeri. Nuk e kuptoja që ai njeri po më dëmtonte dhe fatkeqësisht zgjati shumë kohë. Më ka bërë si paranojake, por sot e dua shume veten time”, rrëfeu mes lotësh Efi.
