Deputeti i Partisë Demokratike, ish-ministër i Drejtësisë, ka lënë sot mandatin e tij. Bëhet fjalë për Eduard Halimin, i cili e dha lajmin nëpërmjet një postimi në faqen e tij në Facebook, ku njoftoi se do i bashkohej një projekti.
Por, kush do të zërë karrigen e Halimit në Kuvend, pas dorëzimit të mandatit të tij?
Vendin e Halimit në Kuvend pritet ta zërë emri tjetër në radhë, sipas listës së PD-së për Beratin, e cila u dorëzua në KQZ për zgjedhjet parlamentare të 25 qershorit.
I dyti në këtë listë renditet Astrit Veliaj, i cili edhe më herët ka mbajtur mandatin e deputetit për Partinë Demokratike.
