Një nga aktorët më të njohur, Gerard Depardieu, më herët ka vizituar Shqipërinë. Ai ka qëndruar në Gjirokastër për xhirimet e një filmi. “Në Gjirokastrën e historisë, të kulturës por edhe të skenografisë gjithmonë e më të kërkuar të kinemasë, mirëpritëm të famshmin Gerard Depardieu”, shkruante në atë kohë ish-ministrja e Kulturës, Mirela Kumbaro.
Ajo rrëfente se aktori me famë botërore ishte në vendin tonë për filmin e regjisorit kosovar, Arben Kastrati, ku kishte rol kryesor.
Aktori i famshëm francez, Gerard Depardieu, e ka përshkruar Ballkanin si një vend fantastik në një intervistë për të përjavshmen “Le Point”.
Aktori i cili njihet për natyrën e drejtpërdrejtë përveçse për talentin e madh si aktor, u shpreh mes të tjerash që i pëlqen shumë Edi Rama.
-A e njihni Macron-in?
Depardieu: Macron më ka marrë në telefon, madje isha në Shqipëri kur më mori. Ah, njoh një njeri që është për së mbari, është Edi Rama, kryeministri i Shqipërisë. I ngjan shumë Malkovich-it dhe pikturon gjithashtu.. Atje te ai takova edhe nje lider te Kosoves, qe kishte bere edhe burg.
Ballkani po, është vend fantastik…
Po Edi Rama, është vertet tip për së mbari… Edhe pikturat e tij janë të bukura.
– Pikturat e kryetarëve të shteteve s’janë gjë…
Depardieu: Po, po këto të Edi Ramës janë ndryshe, ka edhe grafizëm, edhe njolla me gjëra të çuditshme, edhe në letër muri…
