Kryeministri Edi Rama, rikonfirmon edhe njëherë se Donald Trump, nuk është i preferuari i tij. Votimi kundër i Ramës sot ndaj Amerikës në Organizatën e Kombeve të Bashkuara do të thotë jo pak, por një qëndrim mohues i ripërsëritur nga kryeministri i Shqipërisë, Edi Rama.
Qëndrimin e ftohtë ndaj Trump, Rama e ka deklaruar publikisht në kohën e fushatës elektorale një vit më parë, ku teksa komentonte programet dhe kandidatët për president ai shprehej se “zot na ruaj , që Trump të bëhet president i SHBA-ve”.
Por, pas zgjedhjeve Trump “mundi” kundërshtaren e tij Hilary Clinton, dhe tani shtëpia e Bardhë ka një drejtues të ri, i cili kërkon të rikonfigurojë dhe të hap kapituj të rinj në sferën e politikës së jashtme të Amerikës, duke u përpjekur të mbyll vatrat e konflikteve në pjesët e nxehta.
Trump ka pohuar se do të ketë sanksione ekonomike dhe financiare ndaj vendeve të cilat japin një votë kundër në OKB për njohjen e Jerusalemit si kryeqytet të Izraelit.Tani pritet për t’u parë se si do të ketë fundin kjo “jo e dyfishtë” e Ramës ndaj aleatëve tanë më të besuar, por edhe në përballjen e ftohtë Trump-Rama. TIRANA TODAY
