“Edi Rama ka blerë një makinë të blinduar me një çmim si ish-kryeministri i Maqedonisë, Nikolla Gruevski” deklaroi Sali Berisha mbrëmjen e sotme.
I ftuar në emisionin “5 pyetje nga Babaramo” Berisha sqaroi se Gruevski është dënuar se ka importuar një “Benz” të blinduar siç importoi Rama.
Gjithashtu Berisha deklaroi se Rama ja bëri nderin Gruevskit për shkak të krimit të përbashkët që kanë bërë.
“Ja bëri nderin për shkak të krimit të përbashkët që kanë bërë atë pyet Edi Ramën”, tha Berisha, duke aluduar se kryeministri Rama ka ndihmuar Gruevskin të arratisej përmes Shqipërisë.
Gruevski u dënua me 2 vjet burg, duke u shpallur fajtor për blerjen e paligjshme të një Mercedes Benz të blinduar në shumën 570 mijë euro.
“E dini pse po dënohet (Gruevski)? Se ka importuar një “Benz” të blinduar siç importoi Rama. Kur u bë kryeministër aty ishte një makinë e trashëguar nga Meta ose Nano, ishte aty, jo përderke po ishte. Më vonë, të huajt kërkuan makinë të blinduar, ne blemë një parkut të delegacioneve. Gruevski e bleu për vete, Rama mori atë makinën. Ajo ra dhe bleu tjetrën para një vit e gjysmë me çmimin e Gruevskit”, tha Berisha.
