Eurodeputetja shqiptare që përfaqëson Suedinë në Parlamentin Evropian, Arba Kokalari ka komentuar me nota negative veprimin e presidentit të Francës, Emannuel Macron, i cili vendosi kundër hapjes së negociatave për Shqipërinë dhe Maqedoninë e Veriut.
Kokalari shprehet e zhgënjyer me vendimin e Macron pasi sipas saj, vendet që po ndërtojnë demokracinë duhen inkurajuar që të vazhdojnë të ecin në këtë rrugë.
“Dy vjet më parë, Macron foli për demokracinë evropiane. Unë u pajtova me këtë por sot jam e zhgënjyer për vendimin e tij për mos hapjen e negociatave.
Ne duhet t`i inkurajojmë këto shtete, që po ndërtojnë demokracinë, që të vazhdojnë të ecin në këtë rrugë sepse nëse BE nuk do jetë prezente në rajon, Kina, Rusia dhe Arabia Saudite do të hyjnë. Ne na duhet një BE që të jetë e bashkuar si në Perëndim ashtu dhe në Lindje. BE duhet të veprojë me shpejtësi”, shtoi ajo.
