Një ngjarje e rëndë ka ndodhur në fshatin Mborje në Korçë, ku një fëmijë 3-vjeçar e ka zënë poshtë një bombol gazi, ku për pasojë i ka shkaktuar dëmtime trupore. Ndonëse është transportuar me urgjencë për në spitalin e Korçës nga familjarët e tij, djali nuk ia ka dalë dot mbanë.
“Më datë 16.08.2018, rreth orës 11:25, në fshatin Mborje-Korçë, në banesë, shtetasit J.D, rreth 3-vjeç, dyshohet se duke luajtur aksidentalisht i ka rënë duke e zënë poshtë, një bombol gazi e madhe, e cila për pasojë i ka shkaktuar dëmtime trupore këtij të fundit.
Ky shtetas u shoqërua në Spitalin e Korçës nga familjarët e tij, ku më pas ka ndërruar jetë.
Grupi hetimor po punon për sqarimin e rrethanave të ngjarjes”.
