Sulmuesi i Chelsea me origjinë shqiptare, Armando Broja, pak ditë më parë njoftoi se ai kishte zgjedhur të përfaqësojë ngjyrat kuqezi. Ai është bashkuar me Shqipërinë U-19, të drejtuar nga Nevil Dede, duke mbajtur fjalën se zgjidhte kuqezinjtë edhe para Anglisë.
Është një risi nga Federata ndjekja e lojtarëve shqiptarë që luajnë në Premier League. Të shumtë janë në numër, ndërsa i premtojnë prurje me kualitet të lartë edhe trajnerit të Kombëtares A, që aktualisht quhet Christian Panucci.
Në një intervistë për “RTSH Sport”, Broja shprehet se dëshiron të luajë me Kombëtaren A, ndërsa kuqezinjtë i vendoste edhe para Anglisë. “Dëshira është e madhe për të luajtur me Shqipërinë e parë. Madje gjithmonë kur më pyesnin se për kë do të luash, duke futur edhe Anglinë, thoja se më pëlqejnë më tepër kuqezinjtë”, ka thënë Broja.
