Një lajm i trishtë vjen nga Italia, ku një familje prej 4 anëtarësh është shuar si pasojë e infektimit nga koronavirusi.
Sipas mediave të huaja, 4 anëtarët e familjes të cilët nuk kishin asnjë problem tjetër shëndetësor kanë ndërruar jetë njëri pas tjetrit, brenda një jave.
Familja ishte nga Lombardia, ku edhe është shënuar numri më i madh i të vdekurve nga virusi COVID-19.
Kryefamiljari Alfredo Bertucci, 86 vjeç, ishte i pari që humbi jetën, më 27 mars të ditës së premte.
Ndërsa vetëm pas pak ditësh ndërruan jetë edhe 2 djemtë e tij. Daniele Bertucci, 54 vjeç dhe Claudio Bertucci, 46 vjeç kishin shfaqur simptomat e para 10 ditë më parë.
Mëngjesin e sotëm ka ndërruar jetë edhe gruaja 77-vjeçare e Alfredos, Angela Albergati, e cila u trajtua në të njëjtin spital si anëtarët e familjes së saj.
Babai dhe dy djemtë e tij punonin si artizan të përpunimit të hekurit.
“Kjo është një tragjedi e vërtetë. Ishin të gjithë të fortë e të shëndetshëm”, tha miku i familjes, Massimo Giovanni Fasano.
