Kryeministri Edi Rama zhvilloi një bashkëbisedim me disa qytetarë në qytetine Gjirokastrës.
Gjatë bisedës, Rama pyeti një mjeke sesa e kishte rrogën dhe ajo i ka thënë shumën, por i tha pagën që kishte marrë për vitin e kaluar, sepse prej janarit 2021 pagat e mjekëve janë më të larta.
Kjo e ka bërë Ramën që ta thumbonte me batuta, duke i thënë se edhe pse kishte lindur dhe ishte rritur në Tiranë, tregoi se ishte gjirokastrite.
Mjekja: A mund të përfitojmë ne si mjek të rinj një bonus qeraje?
Edi Rama: 3 vite ju do punoni ku ti duheni atdheut, pasi ka një investim nga shoqëria për edukimin tuaj. Nuk di tiu jap një përgjigje për momentin për këtë, besoj se programi i PD mund të ketë bonus që ju të shkoni dhe në spa dhe në masazh, që do ndërtohen sipas programit. Ajo që dua tiu pyes është sa paga juaj tani?
Mjekja: 490 mijë lekë.
Edi Rama: Tani e tregove me fakte që je gjirokastrite, këtë muaj duhet të kesh marrë më shumë. Në vend që të më thuash që paga jonë është kaq, po aq. E di sa do të hedhin…
Mjekja: Nuk dua të them shifër të gabuar, e di afërsisht, por ende nuk e kam marrë pagën e Janarit
Edi Rama: Ne kemi bërë një rritje të konsiderueshme pagash për specialistët që punojnë jashtë qytetit të tyre, me rritjen që ne u kemi bërë rrogat janë të ngjashme me Gjermaninë, në rast se mjekët nisen sot. Unë nuk hyj te ata që predikojnë katastrofën për shkak ase njerëzit synojnë të provojnë veten jashtë shtetit, kjo është një periudhë historike e pashmangshme, nuk ka qeveri që e ndal këtë trend, në fund të fundit është liria e secilit.
