Cristiano Ronaldo para se të finalizohet transferimi tek Juventus nga Real Madrid ishte me pushime në Greqi me familjen e tij dhe disa miq. Ai ka mbetur shumë i kënaqur nga shërbimi në resortin grek saqë i cili duket se i solli fat edhe për transferimin, saqë i ka lënë bakshish stafit një shumë prej 20 mijë euro.
Resorti luksoz “Costa Navarino” në rajonin e Peloponezit, u shfrytëzua nga Ronaldo për të pushuar pas një sezoni të gjatë dhe eliminimit nga Kupa e Botës ku shënoi dhe 4 gola, tre në përballjen me Spanjën. Sipas “The Sun”, ai ka mbetur aq i kënaqur nga shërbimi që i kanë bërë në këtë resort turistik, duke e ndihmuar të evitonte edhe paparacët e shumtë gjatë kësaj periudhe, sa që ka lënë një çek të madh si bakshish për t’i falënderuar kur u largua drejt Italisë për t’u prezantuar si futbollisti i ri i Juventusit.
Ai ka lënë bakshish një shumë prej 20 mijë eurosh për punonjësit e hotelit dhe i ka kërkuar stafit drejtues të resortit që kjo shifër t’i shpërndahej në mënyrë të barabartë të gjithë punonjësve, në shenjë falënderimi për përkujdesjen ndaj tij.
