Një ngjarje e pazakontë ka ndodhur sot në Tiranë, së cilës i përshtatet më së miri emërtimi “Tirana e çudirave”.
Një polic ka shkuar t’i vërë gjobë një makine, që ishte parkuar në vendin e gabuar duke zënë hapësirat publike.
Por, menjëherë sapo ka parë policin, pronari i automjetit është ngritur nga berberi, ashtu siç ishte me shkumë rroje në faqe dhe ka shkuar te polici për t’i kërkuar që të mos i vërë gjobën.
Si të mos mjaftonte gjoba, fotoja e shoferit duke folur me policin me shkumë rroje në faqe është publikuar nga kryebashkiaku Veliaj, i cili tallet me të riun teksa shkruan: “Opa faqen tjetër”.
