Dy binjakë në Kaliforni përfunduan duke lindur në ditë, muaj dhe vite të ndryshme, falë një ndodhie të rrallë “një në dy milionë”.
Vogëlushja Aylin Yolanda Trujillo dhe vëllai i saj Alfredo Antonio Trujillo lindën me 15 minuta diferencë në natën e Vitit të Ri – secili në mesnatë, që do të thotë se ata kishin lindur teknikisht në vite të ndryshme. Alfredo doli i pari në orën 23:45.
Ata lindën në Qendrën Mjekësore Natvidad në Salinas, e cila shkroi në Twitter: “Në mesnatë, Natividad mirëpriti Aylin Yolanda Trujillo si foshnjën e parë të zonës në vitin 2022! Binjaku i saj, Alfredo Antonio Trujillo, lindi 15 minuta më parë në orën 23:45 të së premtes, më 31 dhjetor, që do të thotë se ditëlindja e tyre bie në një ditë, muaj dhe vit të ndryshëm – një shans 1 në 2 milionë!”.
At midnight, Natividad welcomed Aylin Yolanda Trujillo as the area’s first baby of 2022! Her twin, Alfredo Antonio Trujillo, was born 15 minutes earlier at 11:45 pm Friday, Dec. 31, meaning their birthday falls on a different day, month and year— a 1 in 2 million chance! pic.twitter.com/Lm5hkOpNBo
— Natividad (@NMCInspires) January 2, 2022
Prindërit Fatima Madrigal dhe Robert Trujillo nga Greenfield kanë gjithashtu tre fëmijë më të mëdhenj, dy vajza dhe një djalë.
Fatima tha: “Është çmenduri për mua që ata janë binjakë dhe kanë ditëlindje të ndryshme.
Dr. Ana Abril Arias, një mjeke familjare në Grupin Mjekësor Natividad dhe fakultetin në Natvidad, tha se lindja e rrallë ishte ‘mahnitëse’.
“Ishte një kënaqësi absolute të ndihmoja këta të vegjël të mbërrinin këtu të sigurt në 2021 dhe 2022. Çfarë mënyrë e mrekullueshme për të filluar Vitin e Ri!”
Sipas Natvidad, ka rreth 120.000 lindje binjake në SHBA çdo vit, duke përbërë pak më shumë se 3 për qind të të gjitha lindjeve.
“Megjithatë, binjakët me ditëlindje të ndryshme janë të rralla dhe disa vlerësojnë mundësinë e lindjes së binjakëve në vite të ndryshme si një në dy milionë”, shtoi institucioni.
Burimi i lajmit: ladbible. Përshtatur nga Tirana Today
