Prindërit e një vajze të vogël në Rusi, janë përballur me një situatë të vështirë, pasi 2-vjecaren nuk e pranojnë në kopsht për shkak të pamjes së saj.
Sipas prindërve të Sofya Zakharova, stafi i kopshtit u ka thënë atyre se mund ta rimarrin vetëm kur të ketë bërë operacion për të ndryshuar pamjen e jashtme.
Familja e 2-vjeçares jeton në fshatin Bashkortostan të Rusisë. Siç raporton media britanike Mirror, vajza pret t’i nënshtrohet një ndërhyrjeje kirurgjikale, por deri më tani është kthyer mbrapsht nga mjekët.
Shkak për këtë mësohet të jetë pasiguria e mjekëve rreth sëmundjes së saj. 2-vjeçarja, Sofya ka kafkën dhe ballin e gjerë, si dhe disa gishta të ngjitur.
Nga ana tjetër, në mbështetje të familjes është vënë edhe një shoqatë bamirësie e zonës, e cila po insiston që vogëlushja të pranohet në kopsht. Por 2-vjeçarja vijon të hasë në kundërshtimin e stafit të kopshtit, pasi sipas tyre ajo tremb fëmijët e tjerë.
