Një 56-vjeçar ka humbur jetën pasditen e sotme në Vlorë. Bëhet fjalë për shtetasin me iniciale P.H., punonjës i OSHEE, i cili teksa ishte duke punuar privatisht në një banesë, ka rënë në kontakt me rrymën elektrike, e për pasojë ka humbur jetën.
Policia ka njoftuar se grupi hetimor po kryen veprimet e mëtejshme hetimore për sqarimin e rrethanave të ngjarjes.
“Rreth orës 18:50, në lagjen “Kushtrimi” shtetasi P. H., 56 vjeç (Punonjës i OSHEE Vlorë) duke punuar privatisht në një banesë, ka rënë në kontakt me rrymën elektrike ku si pasojë ka humbur jetën.
Grupi hetimor po kryen veprimet e mëtejshme hetimore për sqarimin e rrethanave të ngjarjes”, thuhet në njoftimin e policisë.
