Një ngjarje e rëndë është shënuar në kryeqytet, ku është gjetur pa shenja jete një mjek anestezist në hollin e një spitali privat. Duke iu referuar të dhënave paraprake të policisë, rreth orës 08:35, në hollin e një spitali privat është gjetur pa shenja jete ndihmës anestezisti i spitalit, shtetasi me inicialet M.A., 46 vjeç.
Po të njëjtat burime zyrtare shtojnë se nga këqyrja paraprake, nuk konstatohen shenja dhune, ku dyshohet se është vdekje natyrale. Grupi hetimor dhe shërbimet e policisë ndodhen në vendngjarje, ku po punojnë për zbardhjen e plotë të rrethanave të ngjarjes.
