E rëndë në Shkodër/ 12-vjeçarja vetëvritet aksidentalisht me armë gjahu

Një 12-vjeçare ka humbur jetën pasi është vetëvrarë në mënyrë aksidentale me armë gjahu në banesën e saj.

Ngjarja e rëndë ndodhi në fshatin Baks në Velipojë, ndërsa e mitura ka ndërruar jetë rrugës për në Spitalin e Shkodrës.

”Më datë 10.02.2021, ora 16:05, është paraqitur e plagosur me armë gjahu Çifte  shtetasia e mitur E. Gj. 12 vjeçe , banuese ne fshatin Baks Rrjoll Velipojë, Shkodër, e cila sapo ndërroj jetë në Spitalin Rajonal Shkodër.”, informon policia.

Nga hetimet paraprake mësohet se ngjarja ka ndodhur aksidentalisht në banesë.

Nën drejtimin e Prokurorisë së Rrethit Gjyqësor Shkodër veprimet po kryhen me grup hetimor për sqarimin e rrethanave të kësaj ngjarje.