Një 12-vjeçar shqiptar ka plagosur motrën e tij tre herë me thikë në kofshë.
Kjo ngjarje e rëndë në Rodos të Greqisë, ndodhi në një familje shqiptare, ku dy fëmijët jetonin vetëm me babanë e tyre, pas vdekjes së nënës 9 vite më parë, pas një sëmundje në tru.
Avokati, Stelios Alexandris, duke folur për protothema.gr, deklaroi se kjo ngjarje ndodhi për një arsye qesharake.
“Të dy të miturit, vëlla e motër u grindën se kush do ta priste sallatën në tryezën e familjes, duke pritur që babai i tyre të kthehej nga puna,” tha avokati.
12-vjeçari, duke debatuar me motrën e tij se kush do të priste sallatën, mori thikën e kuzhinës dhe goditi të motrën duke i shkaktuar tre prerje të thella në kofshë, ku për rrjedhojë motra nga plagët e thella humbi shumë gjak, ndërsa u transportua me ambulancë në Departamentin e Urgjencave të Spitalit të Përgjithshëm të Rodosit për ndihmën e parë.
