Një tjetër kthesë merr ngjarja e një dite me parë, ku një grua tentoi që ti jepte fund jetës së vajzave të saj. Gruaja 42-vjeçare i vuri flakën banesës së bashkëjetuesit të saj, ndërsa kishte tentuar të mbyste edhe dy vajzat e saj të mitura binjake, në lumin Seman, në afërsi të urës së fshatit Daullas të Fierit.
Rudina Kishta nga Elbasani, bashkëjetonte me Ardian Gjikën, dhe ishte rikthyer në banesë ditën e djeshme (13 gusht), pasi kishte qenë e larguar prej më shumë se 6 muaj më parë.
https://tiranatoday.com/cmendet-42-vjecarja-tenton-te-mbyse-dy-vajzat-e-mitura-ne-lume/
Mësohet se Rudina kishte tentuar ti mbyste vajzat e saj 6-vjeçare në ujrat e lumit Seman, në afërsi të urës së fshatit Daullas, 3-4 km larg fshatit, Grecalli, ku banonte.
“Specialistët për Hetimin e Krimeve në Komisariatin e Policisë Fier, arrestuan në flagrancë shtetasen Rudina Kishta, 42-vjeçe, banuese në fshatin Grecalli, Fier. Arrestimi u bë pasi dyshohet se ka tentuar të vrasë dy vajzat e saja të mitura binjake, 6-vjeçe, duke tentuar t’i mbyste ato në ujrat e lumit Seman, në afërsi të urës së fshatit Daullas, Fier. Gjithashtu dyshohet se shtetasja Rudina Kishta ka djegur me zjarr banesën e bashkëjetuesit të saj në fshatin Grecalli, shtetasit A.Gj, 35-vjeç. Materialet i kaluan Prokurorisë pranë Gjykarës së Rrethit Gjyqësor Fier, për veprat penale “Vrasja për shkak të rrethanave familjare” e mbetur në tentativë dhe “Shkatërrimi i pronës me zjarr”, raporton policia.
42-vjeçarja, vajzat binjake nuk i kishte me Ardian Gjikën me të cilin bashkëjetonte. Nga dëshmia e këtij të fundit, kuptohet se ajo vuante nga depresioni.
Ardian Gjika: Bëri edhe një herë një tentativë ajo zonja. Sa takova një shok mora kafenë, zonja bëri tentativë për ta djegur një herë. Nuk e di ku vajti. Aty tek kthesa e pashë dhe i thashë se është shtëpia hapur. Sapo mora kafenë, më thanë shokët po të digjet shtëpia.
-Pse ia kanë vënë flakën banesës?
Gjika: “Bë vaki do të ketë qenë me depresion. Më tha se do të iki te nëna. Mbrëmë ishte. I thashë do të çoj në darkë. Kemi dy fëmijë të vegjël. Mos u mërzit i thashë, se marr makinën dhe në darkë do të shkojmë. Është dëmtuar tërë malli që kisha. Tërë banesa. E pata 6 muaj përpara dhe iku dhe më tha mua do vij”, raporton “Ora News”.
Materialet i kaluan Prokurorisë pranë Gjykarës së Rrethit Gjyqësor Fier, për veprat penale “Vrasja për shkak të rrethanave familjare” e mbetur në tentativë dhe “Shkatërrimi i pronës me zjarr”.
