Një ngjarje e rëndë ka ndodhur në Fier, ku një 21-vjeçare ka humbur jetën për shkaqe ende të paqarta.
Mësohet se Xhuljeta Xheka ka shkuar në spitalin e Fierit dy herë, ku është paraqitur me temperaturë të ulët. Mjekët i kanë bërë një serum, teksa kanë dyshuar se ishte prekur nga ndonjë virozë e stinës.
Pas serumit, vajza është dërguar në banesën e saj, por gjendja është përkeqësuar. Familjarët e kanë nisur sërish drejt spitalit, por për të rënë ka qenë tepër vonë, pasi ka ndërruar jetë.
Ngjarja ka ndodhur të hënën, ndërsa familjarët e viktimës kanë ngritur akuza të rënda për mjekët. Pritet që autopsia të nxjerrë shkaqet e vdekjes së papritur të së resë, ndërsa policia e Fierit është shprehur se vdekja e së resë ka ardhur për shkaqe natyrale:
“Më datë 12.02.2018, në spital ka vdekur shtetësia XH.GJ, vjeç 21, banuese në fshatin Mujalli. Nga veprimet e kryera rezulton se vdekja ka ardhur si pasojë e shkaqeve natyrale. Materialet u referuan në Prokurorinë e Rrethit Gjyqësor Fier, për vlerësim”.
