Një fëmijë 3-vjeç ka humbur jetën paraditen e sotme pasi është përplasur për vdekje nga një makinë.
Policia e Beratit ka vënë në pranga drejtuesin e mjetit, shtetasin me iniciale A.H, 48 vjeç, banues në fshatin Drenovicë, Ura Vajgurore.
Pas aksidentit, 48-vjeçari u largua nga vendngjarja, por u arrestua më pas nga autoritete blu.
Kapja e tij u bë e mundur nga Specialistët e Seksionit për Krimet në Komisariatin e Policisë Berat në bashkëpunim me Specialistët e Sektorit për Qarkullimin Rrugor.
Materialet i kaluan Prokurorisë pranë Gjykatës së Shkallës së Parë Vlorë, Seksioni për të Mitur, për veprime të mëtejshme.
