Një ditë pas plagosjes që ndodhi ditën e djeshme në zonën e Unazës së Re, nga spitali i Traumës vjen lajmi i rëndë. Sipas informacioneve i plagosuri Olsi Lelo 38-vjec, ka ndërruar jetë gjatë ditës së sotme në spital.
Olsi Lelo u qëllua dje më thikë nga babai i të dashurës së tij. Mësohet se babai i vajzës me të cilën ishte lidhur Lelo, 51-vjeçari Rezmi Caushaj ishte kundër kësaj marrëdhënie dhe kishte tentuar disa herë t’i ndante. Policia e Tiranës njofton se u bë kapja dhe shoqërimi i shtetasit Rezmi Caushaj, 51 vjeç, i cili ka lënë të plagosur 38-vjeçarin.
Ky shtetas dje rreth orës 10:15, në zonën e “Unazës së Re” pas një konflikti, ka plagosur me mjet prerës një shtetas të moshës rreth 40 vjeç i cili aktualisht ndodhet në spital, nën kujdesin e mjekëve. Vijojn veprimet e mëtejshme hetimore për dokumentimin e plotë të ngjarjes.
