Artistja Malda Susuri, teksa po prezantonte projektin e saj më të ri në emisionin “Ftesë në 5”, një ekspozitë që ka për qëllim promovimin e të drejtave të grave në Kosovë, tregoi se për këtë projekt është frymëzuar nga një eksperiencë personale në ambientet e punës.
Ajo u shpreh se konsumi i një molle gjatë orarit të punës ishte justifikimi që drejtoresha e saj kishte përdorur për ta pushuar nga puna, e për këtë arsye Malda vendosi që figurën e mollës ta bënte pjesë të projekteve të saj.
“Isha duke punuar kur erdhi një mysafir që na solli disa mollë. E hëngra mollën bashkë me disa prej kolegëve të tjerë dhe drejtoresha mori vendim për të mbledhur grupin e punës, sepse kisha ngrënë mollën. Ishte një vendim qesharak, nuk mundesha ta besoja”, rrëfeu Malda.
