Futbolli në Peru është përballur me një skenë të pazakontë, pasi një futbollist është arrestuar gjatë një ndeshje. Ky arrestim nuk kishte të bënte me ndonjë incident apo shfaqje dhune në fushë, por me një identitet të vjedhur.
Kjo histori sipas “El Grafico”, vazhdonte prej më shumë se dy vitesh dhe që është mbyllur gjatë një ndeshjeje të luajtur në Kupën e Perusë. Policia është shfaqur gjatë ndeshjes dhe e ka ndaluar atë për të bërë verifikimet e duhura nëse lojtari në fjalë ishte vërtetë, César Augusto Vásquez Montalvo. Por pas verifikimeve rezultoi se emri i tij i vërtetë ishte Jose Anthony Larraín Contreras.
Futbollisti në fjalë kishte dy vite që përdorte identitetin e vjedhur, madje kishte ndërruar edhe disa skuadra. Policia nuk ka pritur të mbarojë ndeshja por e ka arrestuar menjëherë atë. Pas arrestimit të futbollistit, ekipi Union Kimbri ka braktisur ndeshjen dhe duke i dhuruar kualifikimin ekipit të Sport Huanta. Ata ishin duke humbur 2-0 në atë moment, por ky gjest është bërë në mbështetje të shokut të skuadrës dhe ndoshta për shkak se kanë kuptuar se bëhej fjalë për një shkelje sportive.
