Një pyetje e ‘gabuar’ në drejtim të presidentit Hashim Thaçi, ka bërë që ai të lërë studion e ‘Ora News’, duke ndërprerë në këtë formë një intervistë të planifikuar më herët.
Presidenti i Kosovës ka lënë në mes intervistën me drejtoren e informacionit të RTV ‘Ora News’, Beti Njuma, pasi ai është pyetur për rezultatin e sondazhit që ka bërë Berat Buzhala.
Kur presidentit Thaçi iu bë pyetja lidhur me sondazhin; “Cilit i besoni më shumë që punon për interesin e Kosovës, Ramush Haradinaj apo Hashim Thaçi”, mësohet se Thaçi është larguar duke ndërprerë intervistën.
Sondazhi i publikuar në rrjetet sociale tregonte se 82% ishin pro kryeministrit Haradinaj, dhe vetëm 12 % pro Thaçit.
Beti Njuma e pyeti “Përse ishte ky perceptim i publikut?
Mësohet se sapo ka dëgjuar pyetjen, presidenti i Kosovës, Hashim Thaçi ka ndërprerë intervistën dhe është larguar.
