Vëllai i Kastriot Reçit, i cili u ekzekutua një ditë më parë, ka rrëfyer momentet e tmerrit. Ai ka treguar se sapo kishin parkuar makinën, e më tej ai ishte futur në lokal. Më pas ka dëgjuar ulërima. Pasi ka dalë nga lokali, ka parë të vëllanë të shtrirë përmbys në rrugë.
“Ne sapo kishim parkuar makinën, dhe po shkonin tek lokal “Midirta”. Kastrioti po fliste në telefon dhe unë vazhdova më para dhe u futa në lokal. Akoma nuk isha ulur në karrige, kur dëgjova të bërtitura.
Dola menjëherë i habitur, se nuk dëgjova krisma. Pashë vëllain të shtrirë përmbys në rrugë. E dërguam në spital. Plumbi ishte mes shpatullave”, është shprehur vëllai i viktimës.
Vrasja ndodhi në qendër të qytetit të Rrëshenit. Ish-pronari i një televizioni, u qëllua nga një distancë 150 metra me snajper.
