Sëmundja e rëndë e mposhti pedagogen e njohur e njëkohësisht ish-deputeten e PS-së, Edlira Haxhiymeri.
Lajmi është përcjellë nga familjarët. Haxhiymeri vuante prej 5 vitesh nga një sëmundje e rëndë, dhe nuk mundi të fitojë betejën. Haxhiymeri ka qenë për disa vite deputete e PS-së.
Që nga viti 1987 ajo ka dhënë mësim në fushën e psikologjisë, dhe ka punuar prej 30 vitesh pedagoge në Fakultetin e Shkencave Sociale.
Djali i saj njoftoi lajmin e trishtë për miqtë dhe të afërmit, duke treguar se Haxhiymeri po vuante prej 5 vitesh nga sëmundja e rëndë.
“Të dashur familjarë dhe miq, me pikëllim të madh ju njoftoj se nëna ime e shtrenjtë, Edlira Haxhiymeri, ndërroi jetë.
Ju falenderoj për ndihmesën dhe mbështetjen që na keni dhënë gjatë më shumë se 5 viteve tejet të vështira ku luftuam me çdo mjet e mënyrë për të mposhtur sëmundjen e saj.
Lamturia e fundit për Edën tonë të dashur është nesër në varrezat e Tufinës. Nisja e kortezhit është në ora 11:00 nga shtëpia funerale Alba 2000”.
