Në Brazil ka ndodhur një situatë e cila ka çuditur autoritetet atje, pasi një nga grabitësit ka puthur në ballë një zonjë që ndodhej në farmaci, duke i thënë se nuk i donte paratë e saj.
Sikundër duket edhe nga video-ja në fjalë, grabitësit kanë qënë të armatosur. Në banak është ndodhur një grua e moshuar, e cila kishte shkuar për të blerë ilaçet. Për fatin e saj të keq, nuk ishte momenti i duhur, pasi u përball me grabitësit e armatosur.
Ajo i ka ofruar paratë që kishte me vete, por grabitësi i ka thënë: “Jo zonjë, nuk i dua paratë tuaja”.
I prekur nga gjesti i së moshuarës, grabitësi ka bërë bashkë armët në një dorë, e më tej e ka puthur në ballë.
Pronari i dyqanit, Samuel Almeida ka thënë për mediat vendase se grabitësit hynë në dyqan, dhe u kërkuan të gjitha paratë. Ata dolën nga farmacia, duke marrë 240 dollarë dhe disa mallra të tjerë.
