Nga sot, Sandër Lleshaj është zyrtarisht Ministër i Brendshëm. Ai është betuar në Presidencë përpara njeriut që e zvarriti dekretimin e tij. Një ditë pas miratimit në Kuvend, ministri i ri i Brendshëm, Sandër Lleshaj, është betuar në Presidencë. Gjatë ceremonisë, Lleshaj është betuar para Kushtetutës, si dhe ka firmosur, ndërsa nuk kanë munguar as fotogratitë dhe shtrëngimi i duarve me kreun e shtetit, Ilir Meta, gjatë ceremonisë.
Ky është takimi i parë publik i Metës me Lleshaj, pasi ish gjenerali më herët kishte refuzuar takimin me presidentin, teksa ky i fundit ishte angazhuar të krijonte bindjen e plotë për dekretimin e tij.
Meta e mbajti “pezull” për dy javë dekretimin e Lleshajt. Lleshaj zëvendëson në postin e Ministrit të Brendshëm Fatmir Xhafajn, i dorëhequr nga ky post për arsye personale.
