Në kohën kur koronavirusi ka goditur edhe vendin tonë, një grua e moshuar nga Vlora ka bërë një gjest mjaft prekës për të shpëtuar jetë.
“Ora News” raporton se gruaja i dhuroi spitalit të Vlorës respiratorin që kishte blerë për djalin e saj, i cili fatkeqësisht ndërroi jetë.
Aparatura e blerë vite më parë nga familja Idrizaj për djalin e sëmurë, nuk u përdor kurrë, por tashmë do të vihet në funksion për të sëmurët me COVID-19.
Ajo nuk ka kërkuar para për këtë respirator, që kushton 20 mijë euro.
Gruaja e cila shihet e veshur me të zeza, e humbi të birin, por me këtë gjest shpreson që të ndihmojë të tjera jetë!
