Kryeministri Edi Rama ka reaguar lidhur me foton që qarkulloi sot në rrjetet sociale, teksa shfaqet duke konsumuar cigare në një lokal. Fillimisht, fotoja u publikua nga faqja e memeve “Brryli Broadway”. Këta të fundit kritikuan kryeministrin, që në këtë rast nuk ka respektuar ligjin kundër duhanit në ambientet e brendshme të një lokali.
Ndërkohë, Rama iu është përgjigjur menjëherë akuzave të tyre, ku sqaron se në momentin kur është kapur fotografia, ai ndodhej në një ambient të hapur në Lungomare të Vlorës.
Mirëpo, në reagimin e tij, kryeministri nuk la pa përmendur dhe gazetarin Blendi Fevziu, i cili i kishte dhënë “like” postimit të “Brryli Broadway”.
“O Brryli i’a ke fut katunit ktu ene mvje keq qi paske ra kaq posht sot tu riciklu mall kazoni. Me kazonet smerrem, po ty tjap xhevap se ene un tdu fort mer qafir. Kjo osht mu ke Lungomarja Vlones, perjasht Brryli ene ky xhomi da oborret e lokaleve. Kshu qi mos u fut neper kazona her tjeter, se jon tpariciklushme plehnat e tyne, bohesh pis kot. Ik futu ndet tashti hajt ene me men mkok her tjeter. Ouuuu merre ene fevziun se e paska vu lajkun me vrap e do jet djersit”, shkruan Rama në zhargon.
