Presidenti i SHBA, Donald Trump paralajmëron Kinën se mund të përballet me pasoja, në lidhje me përhapjen e koronavirusit.
Në një konferencë për shtyp, Trump tha se virusi vdekjeprurës mund të ishte ndalur në Kinë, përpara se të përhapej në vendet e tjera.
“Mund të ndalej në Kinë para se të niste përhapja, e gjithë bota po vuan për shkak të kësaj”, tha presidenti amerikan.
Trump dhe disa zyrtarë të lartë amerikanë kanë akuzuar Kinën për mungesë të transparencës pas shpërthimit të virusit në Wuhan.
Këtë javë, Trump kishte pezulluar fondet për Organizatën Botërore të Shëndetësisë pas akuzave për keqmenaxhim dhe fshehje të situatës në Kinë.
Brenda pak kohësh, SHBA është kthyer në vendin më të prekur nga COVID-19 në botë. Deri më tani vendi numëron 738,923 të infektuar dhe 39,015 viktima.
Vendet e tjera më të prekura nga koronavirusi janë Italia, Spanja, Franca, Mbretëria e Bashkuar, Gjermania, Kina, Turqia, Irani, Belgjika etj.
