Kryeministri Edi Rama ka shkarkuar sot nga detyra kreun e Bashkisë së Vaut të Dejës, Zef Hila. Tashmë, kryeministri ka publikuar një tjetër postim ku i kërkon llogari kryedemokratit Lulzim Basha, lidhur me urdhrin e Voltana Ademit, sipas të cilit të gjithë punonjësit duhet të jenë në punë të shtunën dhe të dielën.
“Dhe meqë jemi tek dora jote e fshehur dhe gurët e tu të hedhur, po këtë shkresën e kësaj Qamile Haxhiut të Shkodrës e ke urdhëruar ti apo e ka bërë në kokë të vet kjo molotokratja? Dil sqaroje Artist ç’është ky pasion për punë në ditë pushimi në një bashki që ka 4 vjet në gjumë”, shkruan Rama teksa publikon urdhrin e Bashkisë së Shkodrës.
