Bashkëshortja e presidentit të Ukrainës, Olena Zelenska, është shtruar në spital pak ditë pasi rezultoi pozitive me koronavirus.
Mjekët janë shprehur se gjendja e saj është e qëndrueshme, por do të vijojë me trajtimet spitalore.
Olena Zelenska u konfirmua pozitive me koronavirus javën e kaluar, ndërsa bashkëshorti i saj dhe fëmijët rezultuan negativë.
“Diagnostikimi i tanishëm i Olena Zelenska është COVID-19 – pneumoni polesgmentale bilaterale me ashpërsi të moderuar. Ajo nuk ka nevojë për oksigjen për momentin. Gjendja është e qëndrueshme”, tha zyra e shtypit të presidentit në një deklaratë.
Ndërkohë, presidentit të Ukrainës dhe fëmijëve iu është ripërsëritur testi, por sërish tamponi ka rezultuar negativ.
