I gjithë Manchesteri ishte në ankth për disa javë, pas urgjencës me të cilën u dërgua në spital Alex Ferguson, i cili pësoi një hemorragjie cerebrale. Legjenda 76 vjeçare, tani është nën kujdesin për shëndet të plotë nga të dashurit e tij. Një burim tha për “The Sun”: “Të gjithë e dinë se Sir Alex është fitues dhe kjo ishte një betejë, që kurrë nuk do ta humbiste. Ai është kthyer me këmbët e tij në shtëpi dhe është i kënaqur që ndodhet jashtë spitalit.
Natyrisht, është pafundësisht mirënjohës ndaj stafit mjekësor, që e ka trajtuar. Parashikimet janë jashtëzakonisht premtuese dhe do të jetë vetëm çështje kohe, para se Ferguson të kthehet në “Teatrin e Ëndrrave”. Ndërkohë, ai mund të ndjekë nga televizori Kupën e Botës, të jetojë sërish me emocionet e futbollit.
Ferguson pas operacionit kalo një koma të shkurtër dhe i habiti të gjithë në momentin kur u zgjua në spitalin “Royal Salford”. “The Sun” zbuloi fjalët e tij të para, kur u përmend, pas operacionit: “Si doli Doncaster sot?” E kishte fjalën për ekipin e të birit, Darren, që humbi 1-0 ndaj Ëigan. Ai, madje, bëri shaka me familjen, edhe pse në shtrat, për të shkuar e parë Liverpool në finalen e Ligës së Kampionëve të javës së kaluar, në Kiev. Një zëdhënës i Manchester United tha se nuk do të ofronte përditësime mbi gjendjen shëndetësore të Sir Alex.
