Mediat në mbarë botën po flasin për suksesin e këngëtarëve shqiptarë. Ndër emrat me të larmuar ditët e fundit kanë qenë; Dua Lipa, Rita Ora, Ermal Meta, Eugent Bushpepa dhe Eleni Foureria.
Si asnjëherë më parë në Eurovision Song Contest 2018, në Lisbonë të Portugalisë do të jenë tre këngëtarë shqiptarë. Ai që do të këndojë me flamurin kuq e zi është Eugent Bushpepa, si fitues i Festivalit të 56 të RTSH, me këngën e “Mall”.Ermal Meta, është shqiptari fitues i edicionit të 68-të të Sanremos. Kënga e tij “Non mi avete fatto niente”. “Nuk më keni bërë asgjë”, së bashku me kalabrezin Fabrizio Moro, do të jenë përfaqësuesit e Italisë në Eurovizion.
Por Ermal Meta nuk do të jetë fieraku i vetëm në Eurovizion. Këngëtarja me origjinë shqiptare, po nga Fieri, Eleni Foureria, do të garojë nën flamurin qipriot në Festivalin Evropian të Këngës.
Aktorja, balerina dhe këngëtarja shqiptaro-greke është njëlloj si Meta, e ka filluar karrierën e saj në grup e më pas solo. Kënga e saj “Fuego”, “Zjarr”, është kompozuar nga producenti dhe autori suedez Alex P.
Festivali evropian i këngës, Eurovision 2018, pritet të jetë i veçantë këtë vit. 3 këngëtarë me origjinë shqiptare, edhe pse përfaqësojnë shtete të ndryshme, do të performojnë në skenën e Eurovision në datat 8, 10 dhe 12 maj në Lisbonë të Portugalisë.
“Ëiëibloggs”, blogu zyrtar i “Eurovision”, ka bërë publike se pretendenti i çmimit të madh, i cili kryeson në listë është shqiptari Ermal Meta dhe Fabrizio Moro me këngën ‘Non mi avete fatto niente’ (Nuk më keni bërë asgjë) të cilët përfaqësojnë Italinë.
Në vendin e dytë renditet Spanja, në vendin e tretë Franca dhe në vendin e katërt Shqipëria e përfaqësuar nga këngëtari Eugent Bushpepa me këngën “Mall”.
Por, vetëm dy netë më parë këngëtarja shqiptare Dua Lipa, arrti të rrëmbente dy çmime në kategorinë “Këngëtarja e re më e mirë britanike” si dhe në “Këngëtarja më e mirë britanike ndër femra”.
Ndërsa, pas koncertit të jashtëzakonshëm në Prishtinë për 10-vjetorin e shpalljes së Pavarësisë së Kosovës, këngëtarja shqiptare Rita Ora ka dhuruar një tjetër performancë të zjarrtë në ceremoninë e ndarjes së çmimeve “BRIT Aëards”.
Këngëtarja kosovare ka performuar mbrëmjen e së mërkurës krahë Liam Payne, këngën e “Fifty Shades Freed”, “For You”, në skenën e “O2 Arena” në Londër.
E veshur me një “body” ngjyrë të bardhë, bukuroshja 27 vjeçare dukej tepër seksi gjatë performimit të duetit, të cilin Liam e finalizoi me një përqafim dhe një puthje në faqe.
Këtu e gjitha bota është me sy e veshë nga talentët shqiptarë! Le të shpresojmë që të na nderojnë! Tirana Today
