Një zjarr i madh ka rënë sot në zonën e pyllëzuar në Darëzezë të Fierit. Deri më tani mësohet se janë djegur 15 hektarë pisha e shkurre, ndërsa pranë vatrës së zjarrit ka edhe lokale dhe biznese të shumta.
Flakët raportohet se arrijnë deri në 30 metra lartësi, duke u favorizuar edhe nga era e fortë, e cila bën që zjarri të përhapet me shpejtësi.
Aktualisht, në vendngjarje kanë mbërritur forcat zjarrfikëse të Fierit, por është kërkuar ndihmë dhe nga qytetet e afërta Roskoveci, Ballshi dhe Lushnja.
