Studentët nuk kanë ende një vendim unanim. Nuk dihet nëse do vijojnë të qëndrojnë para Ministrisë së Arsimit, nëse do bashkohen me ata që kanë bllokuar Zogun e Zi, nëse do zhvendosen në Kryeministri, apo nëse do hyjnë në grevë urie.
Ajo që dihet me siguri është se protesta do të përshkallëzohet teksa qeveria nuk miratoi 8 kërkesat e studentëve, pasi Rama kërkoi me insistim një dialog me ta.
Tashmë, disa nga studentët që qëndronin para Ministrisë së Arsimit kanë nisur marshimin drejt Kryeministrisë, ndërsa një pjesë tjetër kanë ndezur zjarr për t’u ngrohur dhe vijojnë të qëndrojnë para ministrisë.
Një nga protestuesit thotë se protesta do të përshkallëzohet dhe madje nesër shumë prej prindërve të tyre do të braktisin punën, për t’u solidarizuar me ta e për të kërkuar të drejtat për uljen e tarifave të arsimimit të lartë, duke iu bashkuar protestës./ TIRANA TODAY
