Kryetari i Kuvendit Gramoz Ruçi do të dalë në një deklaratë për shtyp, sot në orën 17:00, në Kryesinë e Kuvendit.
Kjo deklaratë e Ruçit vjen një ditë para protestës së paralajmëruar nga opozita, që pritet të mbahet nesër në orën 10:00, ndërsa ende nuk ka një orar për nisjen e seancës parlamentare në Kuvend.
Ndërkohë, policia ka marrë masa të shumta lidhur me mbarëvajtjen e protestës, ndërsa mendohet se deklarata e Ruçit ka të bëjë pikërisht me ditën e nesërme, teksa protesta do mbahet para Parlamentit, ditë kur pritet të mbahen edhe punimet e përjavshme të Kuvendit.
