Kryeministri Edi Rama u është përgjigjur deklaratave të forta të presidentit Meta lidhur me krizën në vend, bërë sot në konferencën për sigurinë në Ballkan.
Duke iu referuar shqetësimit të presidentit Meta për mungesën e Gjykatës Kushtetuese, kryeministri shprehet se sot falë vettingut, GJK është ‘një djep bosh pa shejtanin brenda’ dhe se kjo është gjysma e një pune të madhe që kërkon durimin e kohën e saj.
Më tej, në Twitter Rama komentoi edhe deklaratën e Metës lidhur me krizën politike, se s’mund të ulë në një tryezë dy tre persona që nuk duan të ulen me kryeministrin, apo të tjerë që thonë se zhvillimi i zgjedhjeve në këto kushte, është një proces demokratik, duke iu referuar Ramës, por edhe Bashës e Kryemadhit.
Reagimet e Ramës:
“A e pengon mungesa e Gjykatës Kushtetuese Presidentin e Republikës të mbrojë datën e zgjedhjeve që sipas Kushtetutës ai e ka dekretuar? Falë Vetingut GJK është sot një djep bosh pa shejtanin brenda! Kjo është më shumë se gjysma e një pune të madhe që kërkon durimin e kohën e saj.”
“Padiskutim Presidenti ka të drejtë kur thotë djegia e mandateve është e papranueshme po dhe më i papranueshëm është përbetimi për të djegur zgjedhjet!S’e dimë opinionin e Presidentit për këtë dhe bashkë me kritikat e tij,mezi e presim apelin e vonuar në mbrojtje të 30 qershorit”.
A e pengon mungesa e Gjykatës Kushtetuese Presidentin e Republikës të mbrojë datën e zgjedhjeve që sipas Kushtetutës ai e ka dekretuar? Falë Vetingut GJK është sot një djep bosh pa shejtanin brenda! Kjo është më shumë se gjysma e një pune të madhe që kërkon durimin e kohën e saj.
— Edi Rama (@ediramaal) May 22, 2019
Padiskutim Presidenti ka të drejtë kur thotë djegia e mandateve është e papranueshme po dhe më i papranueshëm është përbetimi për të djegur zgjedhjet!S’e dimë opinionin e Presidentit për këtë dhe bashkë me kritikat e tij,mezi e presim apelin e vonuar në mbrojtje të 30 qershorit?
— Edi Rama (@ediramaal) May 22, 2019
