Një krokodil është xhiruar në kamera duke dalë mbi sipërfaqen e ujit të lumit teksa në nofulla kishte një njeri. Bisha e madhe besohet të ketë vrarë njeriun duke e kafshuar ijën e tij.
Darli Uti, 30 vjeç, ishte zhytur në lumë për të rregulluar një tub nënujor afër shtëpisë së tij në juglindje të Sulawesi, Indonezi, më 12 prill kur krokodili e sulmoi.
Motra e viktimës, e cila ishte në bregun e lumit, u përpoq të ndihmonte Darlin, por më kot, pasi grabitqari gjigant e tërhoqi të riun në ujë.
Autoritetet indoneziane filluan menjëherë kërkimet për të riun përgjatë lumit Malaoge. Tragjikisht, Ekipi i Kërkimit dhe Shpëtimit (SAR) zbuloi trupin e Darlinit ditën tjetër.
Ekzistojnë imazhe shqetësuese duke treguar krokodilin që shfaqet në sipërfaqe, ndërsa në nofulla kishte kapur të riun në pjesën midis dy këmbëve.
