Vrasës profesionistë i morën jetën ish policit Santiago Malko, e ndërsa policia tashmë ka në dorë një provë që mund të hedhë dritë mbi ngjarjen.
Një provë mjaft e vyer për uniformat blu janë cilësuar dy aparatet celularë të viktimës, të cilët janë sekuestruar dhe po zbërthehen për të zbuluar komunikimet e tij të fundit, për të parë nëse japin ndonjë indicie për krimin.
Po kështu, policia ka sekuestruar kamerat e sigurisë të lavazhit afër vendit të krimit, të cilat ndihmuan në zbardhjen e plotë të dinamikës së krimit mafioz.
Malko kishte përfunduar kursin për Patrullë të Përgjithshme, dhe ka qenë pjesë e kësaj strukture në Policinë e Tiranës vetëm për 3 muaj, nga ku u tërhoq vullnetarisht.
